நார்த்தர்ன் அலையன்சுக்குப் பதிலடி கொடுக்கும் தலிபான்கள்

இஸ்லாமாபாத்:

நார்த்தர்ன் அலையன்ஸ் படையினர் மீது தக்க பதிலடி கொடுத்து வருகிறோம் என்று தலிபான் படையினர்தெரிவித்துள்ளனர்.

வடக்கு ஆப்கானிஸ்தானின் மஸார்-ஏ-ஷரீப் நகரின் தெற்குப் பகுதியில் உள்ள தாரா-ஏ-சவுப் பள்ளத்தாக்குப்பகுதியில் நேற்று நள்ளிரவிலிருந்து தலிபான் படையினர் பதில் தாக்குதல் நடத்திக் கொண்டுள்ளனர்.

சுமார் மூன்று மணி நேரம் தொடர்ந்த இத்தாக்குதல் காரணமாக எதிரணிப் படையினரால் ஒரு இஞ்ச் கூட முன்னேறமுடியவில்லை என்று தலிபான் படையினர் கூறினர்.

அமெரிக்காவின் பி-52 போர் விமானங்கள் நேற்று கடுமையாகத் தாக்குதலை நடத்தியதால் வெகுண்டெழுந்ததலிபான் படையினர் நார்த்தர்ன் அலையன்ஸ் படையினர் மீது இத்தாக்குதலை நடத்தியுள்ளனர்.

இத்தாக்குதலின்போது ஒரு தலிபான் வீரர் கொல்லப்பட்டார். மேலும் ஐந்து பேர் படுகாயமடைந்தனர். எதிரணிப்படைக்கு ஏற்பட்ட சேதம் பற்றித் தெரியவில்லை.