கருணாநிதியின் குற்றச்சாட்டுகள் மக்களிடம் விலை போகவில்லை: வாழப்பாடி

சென்னை:

அதிமுக கூட்டணிக்கு எதிராக திமுக தலைவர் கருணாநிதி கூறிய குற்றச்சாட்டுகள் மக்களிடம் விலை போகவில்லைஎன்று தமிழக ராஜீவ் காங்கிரஸ் தலைவர் வாழப்பாடி ராமமூர்த்தி கூறியுள்ளார்.

இது தொடர்பாக அவர் இன்று (வியாழக்கிழமை) வெளியிட்டுள்ள அறிக்கையில் கூறியிருப்பதாவது:

நடந்து முடிந்துள்ள உள்ளாட்சித் தேர்தலில் அதிமுக தலைமையிலான மதச்சார்பற்ற கூட்டணிக்கு அமோக வெற்றிகிடைத்துள்ளது.

ஜெயலலிதா மீது கருணாநிதி தொடர்ந்து குற்றங்கள் சாட்டி வந்தார். ஆனால் அவருடைய இந்த தவறானகுற்றச்சாட்டுக்கள் மக்களிடம் விலை போகவில்லை.

இந்த உள்ளாட்சித் தேர்தலின் மூலம் திமுக சுக்கு நூறாகச் சிதறி, பெரும் சரிவைச் சந்தித்துள்ளது என்பதை யாரும்மறுக்க முடியாது என்று அவ்வறிக்கையில் கூறியுள்ளார் வாழப்பாடி ராமமூர்த்தி.