தலிபான்களுக்கு எதிராகத் தான் பாகிஸ்தான் செயல்படுகிறது: அமெரிக்கா

வாஷிங்டன்:

தலிபான்களுக்கு எதிராக அமெரிக்க எடுத்து வரும் முயற்சிகளுக்கு பாகிஸ்தான் முழு ஆதரவு அளித்து வருகிறதுஎன்று அமெரிக்க வெளியுறவுத்துறை செய்தித் தொடர்பாளர் ரிச்சர்டு போச்சர் கூறினார்.

கடந்த சில நாட்களுக்கு முன்பு பாகிஸ்தானில் இருந்து தலிபான்களுக்கு ஆயுத உதவிகள் அளிக்கப்பட்டு வருவதைஇந்திய உளவுத்துறையினர் கண்டுபிடித்துள்ளதாக செய்திகள் வெளியாகின.

பாகிஸ்தானின் குவெட்டாவிலிருந்து ஆயுதங்கள், எரிபொருட்கள் மற்றும் பல பொருட்களும் தலிபான்களின்முக்கிய நகரமான காண்டஹாருக்கு இரவு நேரங்களில் கடத்தப்படுகின்றன என்றும் அச்செய்திகள் தெரிவித்தன.

இந்நிலையில் இதுகுறித்து இன்று (வெள்ளிக்கிழமை) ரிச்சர்டு போச்சர் கூறுகையில்,

தலிபான்களுக்கு எதிராக அமெரிக்க எடுத்து வரும் ராணுவ நடவடிக்கைகக்கு பாகிஸ்தான் முழு ஆதரவு அளித்துவருகிறது. இந்த விஷயத்தில் பாகிஸ்தானின் உதவி பாராட்டத் தக்கது. தலிபான்களுக்கு ஆயுத உதவி அளிப்பதாகபத்திரிக்கைகளில் செய்திகள் வெளியாகி உள்ளன.

தலிபான்களுக்கு ஆதரவாக இதுபோல ஆயுத உதவிகள் வழங்குதல் போன்ற நிகழ்ச்சிகள் நடக்காமல் பார்த்துக்கொள்வதிலும் பாகிஸ்தான் தீவிரமாக உள்ளது. ஆனால் ஆயுத உதவி உண்மையிலேயே அளிக்கப்பட்டதா என்றுஎன்னால் கூறமுடியாது என்றார்.

இதுகுறித்து அமெரிக்க தேசி பாதுகாப்புத்துறை ஆலோசகர் காண்டோலீசா ரைஸ் கூறுகையில்,

பாகிஸ்தானிடம் இருந்து முழு ஒத்துழைப்பு கிடைத்துக் கொண்டிருக்கிறது என்று நாங்கள் நம்புகிறோம்.

தொடர்ந்து இதுகுறித்து அவர்களிடம் ஆலோசனை செய்து வருகிறோம்.

பத்திரிக்கைகளில் வந்ததைப் போல எதுவும் நடக்காமல் பார்த்துக் கொள்வதில் பாகிஸ்தீவிரமாக இருக்கிறதுஎன்றார் ரைஸ்.