தலித் அமைப்பைத் தொடங்குகிறார் பா.ம.க. எம்.எல்.ஏ.

சென்னை:

பாட்டாளி மக்கள் கட்சியைச் சேர்ந்த எம்.எல்.ஏ.முருகவேல்ராஜன் புதிதாக தேவேந்திர இளைஞர் சங்கம் என்றஅமைப்பை தொடங்குகிறார்.

தலித் வகுப்பைச் சேர்ந்த முருகவேல் ராஜன் பாட்டாளி மக்கள் கட்சி எம்.எல்.ஏ. ஆவார். தலித் மக்கள்புறக்கணிக்கப்படுவதைக் கண்டித்து சட்டசபைக்கு சட்டை அணியாமல் சென்று புரட்சி படைத்தவர் இவர்.

தற்போது தேவேந்திர இளைஞர்கள் சங்கம் என்ற புதிய தலித் அமைப்பை அவர் தொடங்குகிறார். தேவேந்திர குலவேளாளர் பிரிவினரை சமூக, பொருளாதார, அரசியல் ரீதியாக முன்னேற்றுவதே இந்த அமைப்பின் முக்கியநோக்கம் என்று அவர் கூறியுள்ளார்.

இந்த அமைப்பின் முதல் செயற்குழுக் கூட்டம் திருச்சியில் வரும் 10ம் தேதி நடைபெறும் என்றுஅறிவிக்கப்பட்டுள்ளது.