ஆள்பவர்களுக்கு திறமை இல்லை: கருணாநிதி பதிலடி

சென்னை:

ஆட்சியில் இருப்பவர்களுக்கு நிர்வாகத் திறன் இருந்தால் தான் ஊழியர்களுக்கு ஊதியமும், போனசும் வழங்கமுடியும் என திமுக தலைவர் கருணாநிதி கடும் பதிலடி தந்துள்ளார்.

தமிழக அரசு பெரும் நிதி நெருக்கடியில் சிக்கியதற்கு முன்னாள் திமுக அரசு தான் காரணம் என முதல்வர்பன்னீர்செல்வம் குற்றம் சாட்டியிருந்தார்.

இதற்கு பதிலளித்து கருணாநிதி வெளியிட்டுள்ள அறிக்கையில்,

தமிழக வரலாற்றில் இது போன்ற ஒரு நிலை எப்போதும் ஏற்பட்டதில்லை. 11 லட்சம் அரசு ஊழியர்களுக்குபோனஸ் தர முடியாத கையாலாகாத நிலையில் தமிழக அரசு உள்ளது.

ஆட்சியில் இருப்பவர்களுக்கு நிர்வாகத் திறன் இருந்தால் தான் இது போன்ற சூழ்நிலைகளைச் சமாளிக்க முடியும்.அதை விட்டுவிட்டு முன்பு ஆட்சியில் இருந்தவர்களைக் குறை கூறிக் கொண்டிருப்பது மக்களை திசை திருப்பும்முயற்சியாகும் என்று கூறியுள்ளார்.