"பொடோ"வை ஆதரிக்கும் வைகோவுக்கு புலிகள் எதிர்ப்பு

கொழும்பு:

பொடோ சட்டத்தை மதிமுக பொதுச் செயலாளர் வைகோ ஆதரிப்பதை விடுதலை புலிகள் எதிர்த்துள்ளனர்.

இது குறித்து கனடாவிலுள்ள விடுதலை புலிகளின் செய்தித் தொடர்பாளர் விடுதலை புலிகளின் இணையதளத்தில்வெளியிட்டுள்ள செய்தியில் கூறப்பட்டிருப்பதாவது:

வைகோ முன்பு விடுதலைபுலிகளுக்கு ஆதரவாக இருந்து வந்தார். ஆனால் அவர் இப்போது விடுதலை புலிகளைஆதரிக்கவில்லை. விடுதலை புலிகளுக்கு தடைவிதிக்க காரணமாக இருக்கும் பொடோ சட்டத்திற்கு அவர் எதிர்ப்புதெரிவிக்கவில்லை.

சென்ற வருடம் இலங்கைக்கு கப்பல் வழங்கியதற்கும் வைகோ எதிர்ப்பு தெரிவிக்கவில்லை.

ஆனால் பொடோ சட்டத்தின் சில பகுதிகளை தமிழகத்தின் முன்னாள் முதல்வர் ஜெயலலிதா எதிர்த்துள்ளார்.

சந்தனமர வீரப்பனை ஆதரித்ததாக குற்றம் சாட்டப்பட்டு தடா சட்டத்தின் கீழ் பல அப்பாவி மக்கள் சிறையில்அடைக்கப்பட்டிருந்தனர். அந்த வழக்கில் விடுதலையானவர்களுக்கு எங்கள் ஆறுதலை தெரிவித்துக்கொள்கிறோம்.

தடா சட்டத்தை போன்றதோ அல்லது அதை விட மோசமானதாகவோதான் பொடோ சட்டம் அமையும் என்று அந்தசெய்தியில் கூறப்பட்டுள்ளது.