நவ. 10 முதல் சென்னை-ஹவுராவுக்கு சிறப்பு ரயில்

சென்னை:

சென்னையிலிருந்து ஹவுராவுக்கு வரும் 10ம் தேதி முதல் சிறப்பு ரயில் இயக்கப்படும் என்று தென்னக ரயில்வேகூறியுள்ளது.

இதுகுறித்து தென்னக ரயில்வே வெளியிட்டுள்ள செய்திக் குறிப்பு:

பயணிகளின் நலன் கருதி சென்னையிலிருந்து நவம்பர் 10ம் தேதி முதல் ஹவுராவுக்கு சிறப்பு ரயில் சேவைதொடங்கப்பட உள்ளது.

சென்னை சென்ட்ரல் ரயில் நிலையத்திலிருந்து காலை 10 மணிக்குப் புறப்படும் இந்த ரயில் மறுநாள் மாலை 4.25மணிக்கு ஹவுராவைச் சென்றடையும்.

கூடூர், விஜயவாடா, விசாகப்பட்டினம், பலஸா, குர்தா ரோடு, புவனேசுவரம், பத்ரா மற்றும் கரக்பூர் ஆகிய ரயில்சந்திப்புகளில் இந்தச் சிறப்பு ரயில் நின்று செல்லும்.

இந்த சிறப்பு ரயிலுக்கான முன் பதிவு நேற்று (செவ்வாய்க்கிழமை) தொடங்கியது.