20 சதவீதம் to

சென்னை:

வழக்கமாகத் தரப்பட்டு வந்த 20 சதவீத போனஸை வழங்க தமிழக அரசு தர மறுப்பதால் போக்குவரத்துத்தொழிலாளர்கள் போராட்டத்தில் ஈடுபட்டுள்ளனர்.

ஆண்டு தோறும் போக்குவரத்துறைத் தொழிலாளர்களுக்கு 20 சதவீத போனஸ் வவங்கப்பட்டு வந்தது. ஆனால்,இந்த முறை 8.33 சதவீதம் மட்டுமே வழங்க முடியும் என்று தமிழக அரசு அறிவித்துள்ளது.

பெரும் நிதி நெருக்கடியில் தமிழக அரசு சிக்கியிருப்பதால் 8.33 சதவீதத்துக்கும் அதிகமாக போனஸ் தர முடியாதுஎன அரசு கூறியுள்ளது. முதலில் 20 சதவீதத்துக்கும் அதிகமாக போனஸ் கேட்டனர் போக்குவரத்து ஊழியர்கள்.

20 சதவீத போனஸ் வழங்கினால் ஒவ்வொரு ஊழியருக்கும் சுமார் 6,000 ரூபாய் கிடைக்கும். ஆனால், இப்போது8.33 சதவீதம் தருவோம் என அரசு கூறுவதால் ஊழியர்களுக்கு 2,500 ரூபாய் தான் போனஸாகக் கிடைக்கும்.

பின்னர் வழக்கம்போல் கொடுக்கும் 20 சதவீதத்தைக் கொடுத்தால் போதும் என்று இறங்கி வந்தனர்.

ஆனால், இதைத் தர முடியாது என அரசு கூறியதால் தான் வேலை நிறுத்தம் துவங்கியுள்ளது.

அதிமுக தலைமையிலான அண்ணா தொழிலாளர் சங்கம் தவிர மற்ற தொழிற்சங்கங்கள் அனைத்தும்போராட்டத்தில்இறங்கியுள்ளன.