இன்று முதல் பஸ், மின்சார ஊழியர்களுக்கு போனஸ் வழங்கல்

சென்னை:

இன்று (திங்கள்கிழமை) முதல் அரசு போக்குவரத்துக் கழக மற்றும் மின்சார ஊழியர்களுக்கு ஏற்கனவேஅறிவிக்கப்பட்ட 8.33 சதவிகித போனஸ் வழங்கப்படுகிறது.

ஆனால் 20 சதவிகித போனஸ் வேண்டும் என்று கோரி வேலை நிறுத்தப் போராட்டத்தில் ஈடுபட்டுக்கொண்டிருக்கும் போக்குவரத்துக் கழக ஊழியர்கள், இந்த போனஸ் பணத்தை வாங்குவார்களா என்பதுதெரியவில்லை.

அண்ணா தொழிற்சங்கத்தைத் தவிர மற்ற தொழிற்சங்கங்கள் இந்த போனஸ் பணத்தைப் பெற்றுக் கொள்ளப்போவதில்லை என்று அறிவித்துள்ளன.

மின் ஊழியர்களும் விரைவில் வேலை நிறுத்தத்தை மேற்கொள்ளப் போவதால், அவர்களும் இந்த போனஸ்பணத்தை ஏற்றுக் கொள்வார்களா என்பது சந்தேகம்தான்.