விமானத்திலிருந்து கழன்று விழுந்த என்ஜின்

நியூயார்க்:

நியூயார்க் அருகே வெடித்துச் சிதறிய அமெரிக்கன் ஏர்லைன்ஸ் ஏ-300 ரக பயணிகள் விமானத்திலிருந்து ஒருஎன்ஜின் மட்டும தனியாகக் கழன்று கீழே விழுந்ததாக நேரில் பார்த்த ஒருவர் கூறினார்.

அதைத் தொடர்ந்துதான் விமானம் வெடித்துச் சிதறி கீழே விழுந்ததாகவும் நேரில் பார்த்த மேலும் சிலர் கூறினர்.

இவ்விமானம் 12 வீடுகளின் மீது சிதறி விழுந்துள்ளது. அவற்றில் நான்கு வீடுகள் பற்றி எரிந்துகொண்டிருக்கின்றன.

சம்பவ இடத்திற்கு மீட்புப் படையினர் விரைந்துள்ளனர். 40 வாகனங்களில் 200க்கும் மேற்பட்ட தீயணைப்புவீரர்கள் விரைந்து சென்று தீயை அணைத்து வருகின்றனர்.

நியூயார்க் வான் பகுதி முழுவதையும் அமெரிக்க போர் விமானங்கள் ஆக்கிரமித்துள்ளன. அந்நகர் முழுவதும்போர் விமானங்கள் ரோந்து சுற்றி வந்து கொண்டிருக்கின்றன.

தீவிரவாதிகள்தான் இவ்விபத்திற்குக் காரணம் என்று கருதி, அமெரிக்காவில் உள்ள அனைத்து சுரங்கப்பாதைகளும் மூடப்பட்டுள்ளன.

கடந்த இரண்டு மாதங்களுக்கு முன் நடந்த தாக்குதலில் தகர்க்கப்பட்ட உலக வர்த்தக மையக் கட்டடத்திலிருந்து சிலமைல்கள் தொலைவில்தான் தற்போது விமான விபத்து நடந்துள்ளது.

இப்பகுதியில் இந்தியர்கள் அதிகமாக வசிக்கின்றனர் என்றும் கூறப்படுகிறது.