ஸ்டேட் வங்கிக்கு அமெரிக்கா 7.5 மில்லியன் அபராதம்

மும்பை:

ஸ்டேட் பாங்க் ஆப் இந்தியாவுக்கு அமெரிக்கா 7.5 மில்லியன் டாலர் அபராதம் விதித்துள்ளது.

சர்வதேச வங்கி விதிமுறைகளுக்கு ஏற்ப முறையான ஆவணங்களை ஸ்டேட் வங்கி பராமரிக்கத் தவறிவிட்டதால்இந்த அபராதம் விதிக்கப்பட்டுள்ளது.

இந்த அபராதத்தைச் செலுத்த ஸ்டேட் வங்கி ஒப்புக் கொண்டுவிட்டதாகக் கூறப்படுகிறது. இதனால், எதிர் காலத்தில்பெரிய பிரச்சனையிலிருந்து தப்ப முடியும் என அந்த வங்கி கருதுகிறது.

ஆனால், இது குறித்துக் கருத்துத் தெரிவிக்க முடியாது என வங்கியின் தலைவர் ஜான்கி பல்லப் கூறினார். ரிசர்வ்வங்கியின் செய்தித் தொடர்பாளரிடமும் இதே பதில் தான் கிடைத்தது.

அமெரிக்காவின் நிதி அமைச்சகம், பெடரல் டெபாசிட் இன்சூரன்ஸ் நிறுவனம், நியூயார்க் ஸ்டேட் பாங்கிங்நிறுவனம் ஆகியவை இந்த அபராதத்தை விதித்துள்ளன.

அபராதத்தைக் கட்ட ஸ்டேட் வங்கி ஒப்புக் கொண்டுவிட்டதாக அமெரிக்க நிதியமைச்சக அதிகாரிகள்தெரிவித்தனர்.