தலிபான்களுக்கு உதவிய 83 ஹர்கத் தீவிரவாதிகள் கைது

இஸ்லாமாபாத்:

ஆப்கானிஸ்தானிலிருந்து பாகிஸ்தானுக்குள் நுழைய முயன்ற ஹர்கத்-உல்-முஜாகிதீன் அமைப்பைச் சேர்ந்த 83தீவிரவாதிகள் கைது செய்யப்பட்டனர்.

காபூலில் இவர்கள் தலிபான்களுடன் சேர்ந்து கொண்டு நார்த்தர்ன் அலையன்ஸ் படையினருடன் சண்டைபோட்டனர்.

ஆனால் நார்த்தர்ன் அலையன்ஸ் படையினர் தங்களை எதிர்த்தவர்களை எல்லாம் விரட்டியோடச் செய்தனர்.

அவ்வாறு தப்பியோடி வந்த 83 ஹர்கத் தீவிரவாதிகள் பாகிஸ்தானில் நுழைய முயன்றனர். அப்போதுதான்பாகிஸ்தான் எல்லைப் படை போலீசார் அவர்களைக் கைது செய்துள்ளனர்.

இதே போல் நார்த்தர்ன் அலையன்ஸ் படையினரிடம் அடி வாங்க முடியாமல் தப்பியவர்கள் இன்னும் அதிகஅளவில் பாகிஸ்தானுக்குள் ஊடுருவ உள்ளனர் என்று பாகிஸ்தான் அதிகாரிகள் தெரிவித்தனர்.

இந்நிலையில், காபூலிலிருந்து தப்பியோடி வந்த பல தலிபான்களும் பாகிஸ்தானுக்குள் நுழைந்துள்ளதாகக்கூறப்படுகிறது. ஆனால் பாகிஸ்தான் அதிகாரிகள் இதை மறுத்துள்ளனர்.