பின் லேடனை நெருங்கும் அமெரிக்க கமாண்டோக்கள்

லண்டன்:

ஆப்கானிஸ்தானுக்குள் மறைந்துள்ள சர்வதேச தீவிரவாதி ஒசாமா பின் லேடனைப் பிடிக்கும் பணியில் அமெரிக்கதரைப் படை கமாண்டோக்கள் முழு வீச்சில் ஈடுபட்டுள்ளனர்.

பின் லேடன் இருப்பதாகக் கருதப்படும் இடத்திலிருந்து 80 சதுர கி.மீ. சுற்றளவுள்ள பகுதிகளை அவர்கள் சுற்றிவளைத்துள்ளனர்.

அமெரிக்க கமாண்டோக்களுடன் இங்கிலாந்து கமாண்டோக்களும் இணைந்து பின் லேடன் வேட்டையில்ஈடுபட்டுள்ளனர். இவர்கள் அனைவரும் காண்டஹாருக்கு அருகே ஹெலிகாப்டர் மூலம் இறங்கியுள்ளனர்.

காண்டஹாரின் தென்கிழக்குப் பகுதியில் உள்ள ஒரு இடத்தில்தான் பின் லேடன் ஒளிந்திருப்பதாகக் கூறப்படுகிறது.இதனால் இந்த இடத்தை இலக்காக வைத்து அமெரிக்க, இங்கிலாந்து கமாண்டோக்கள் முன்னேறி வருகின்றனர்.

இதற்கிடையே பின் லேடன் ஆப்கானிஸ்தானை விட்டு வெளியேறி விட்டதாகவும், அமெரிக்காவின் தேடுதல்வேட்டை வேஸ்ட் என்றும் பலவிதமான புரளிகள் கிளம்பின.

ஆனால், பின் லேடன் ஆப்கானிஸ்தானில்தான் இருக்கிறார் என்று பாகிஸ்தானுக்கான தலிபான் தூதர் அப்துல்சலாம் சயீத் கூறியுள்ளார். ஆனால் நிச்சயம் அவர் தலிபான்கள் கட்டுப்பாட்டுக்குள் உள்ள பகுதிகளில் இல்லைஎன்றும் சயீத் கூறினார்.

பின் லேடன் வேடமிட்டுள்ள தலிபான்கள்

இதற்கிடையே பின் லேடனைப் போல வேடமிட்டுள்ள பத்துக்கும் மேற்பட்ட தலிபான்கள் ஆப்கானிஸ்தானுக்குள்சுற்றி வருகின்றனர்.

பின் லேடனைத் தேடி வரும் அமெரிக்க கமாண்டோக்கள் ஏமாந்து போகட்டும் என்ற எண்ணத்திலேயே இப்படிதலிபான் படையினர் அவரைப் போலவே வேடமிட்டுக் கொண்டு திரிகின்றனர்.