பாகிஸ்தானில் மேலும் 2 தலிபான் தூதரகங்கள் மூடல்

இஸ்லாமாபாத்:

பாகிஸ்தானில் செயல்பட்டு வந்த மேலும் 2 தலிபான் தூதரக அலுவலகங்கள் இன்று (செவ்வாய்க்கிழமை)மூடப்பட்டன.

கடந்த இரண்டு வாரங்களுக்கு முன் பாகிஸ்தான்-கராச்சி நகரில் உள்ள தலிபான்களின் தூதரக அலுவலகம்மூடப்பட்டது. அங்கிருந்த அதிகாரிகள் உடனடியாக வெளியேற வேண்டும் என்றும் பாகிஸ்தான் அறிவித்தது.

இந்நிலையில் பெஷாவர் மற்றும் குவெட்டா நகரங்களில் உள்ள தலிபான் தூதரக அலுவலகங்களும் இன்று முதல்மூடப்பட்டுள்ளன என்று பாகிஸ்தான் வெளியுறவுத் துறை செய்தித் தொடர்பாளர் ஆசிஸ் அகமது கான் கூறினார்.

இம்முடிவு இஸ்லாமாபாத்தில் உள்ள தலிபான் தூதரான அப்துல் சலாம் சயீப்புக்கு அனுப்பப்பட்டு விட்டது என்றும்அவர் கூறினார்.

ஆனால் இஸ்லாமாபாத்தில் உள்ள தலிபான்களின் தூதரகத்தை பாகிஸ்தான் இன்னும் மூடவில்லை. அதுவும்இன்னும் சில நாட்களுக்குள் மூடப்பட்டுவிடும் என்று தெரிகிறது.