வெள்ளிக்கிழமை தமிழகத்தில் பந்த்: திமுக ஆதரவு

சென்னை:

தமிழகத்தில் வரும் வெள்ளிக்கிழமை பஸ் போக்குவரத்து ஊழியர்கள் அழைப்பு விடுத்துள்ள பந்த்துக்கு திமுக,காங்கிரஸ் கட்சிகள் முழு ஆதரவு தெரிவித்துள்ளன.

தீபாவளி போனஸ் தொடர்பாக போரட்டம் நடத்தி வரும் பஸ் போக்குவரத்து ஊழியர்கள் குடும்பத்துடன்உண்ணாவிரம், ஆர்ப்பாட்டம் ஆகிய நடவடிக்கைளிலும் ஈடுபட்டுள்ளனர்.

இதை மாநில அரசு கண்டுகொள்ளாமல் இருப்பதையடுத்து மாநிலம் தழுவிய பந்த் நடத்த அழைப்புவிடுத்துள்ளனர். வரும் 23ம் தேதி நடத்த இருக்கும் தங்களின் இந்தப் போராட்டத்துக்கு அனைத்துக் கட்சிகளின்ஆதரவையும் கோரியுள்ளனர்.

இது தொடர்பாக திமுக தலைவர் கருணாநிதியையும், காங்கிரஸ் தலைவர் இளங்கோவனையும் டி.கே.ரங்கராஜன்தலைமையிலான போராட்டக் குழுவினர் இன்று நேரில் சந்தித்து ஆதரவு கேட்டனர்.

கருணாநிதி:

போராட்டத்துக்கு முழு ஆதரவு தருவதாக அவர்களிடம் கருணாநிதி உறுதியளித்தார். பின்னர் நிருபர்களிடம் பேசியகருணாநிதி, தொழிலாளர்களுக்கு எப்போதுமே உதவும் கட்சி திமுக. இப்போது நிதி நிலை சரியில்லை என்றுசொல்லி போனஸை அரசு குறைத்திருப்பதை திமுக ஏற்காது. பஸ்களை ஓட்டினால் நிச்சயம் வருமானம் வரும். அதைவைத்து போனஸ் தரலாம்.

23ம் தேதி பந்துக்கு எங்கள் ஆதரவு உண்டு என்றார்.

காங்கிரஸ் தலைவருடன் சந்திப்பு:

முன்னதாக போராட்டக் குழுவினர் தமிழக காங்கிரஸ் தலைவர் இளங்கோவனை காங்கிரஸ் அலுவலகத்தில் சந்தித்துஆதரவு கேட்டனர். இதற்கு முழு ஆதரவு தருவதாக இளங்கோவன் கூறினார். நிருபர்களிடம் இளங்கோவன்பேசுகையில்,

தொழிலாளர்களின் நியாயமான கோரிக்கையை அரசு ஏற்க வேண்டும். சிறையில் இருக்கும் தொழிலாளர்களைவிடுவிக்க வேண்டும். அவர்கள் மீது போடப்பட்ட பொய் வழக்குகளை வாபஸ் பெற வேண்டும். உடனடியாகப்பேசி இந்தப் பிரச்சனைக்கு சுமூகத் தீர்வு காண வேண்டும். முழு அடைப்புக்கு எங்கள ஆதரவைத்தெரிவித்துள்ளோம் என்றார்.

பா.ம.க., மதிமுக ஆதரவு:

பின்னர் நிருபர்களிடம் பேசிய போராட்டக் குழுத் தலைவர் டி.கே.ரங்கராஜன் கூறுகையில்,

போராட்டத்துக்கு மதிமுக தலைவர் வைகோ ஆதரவு தெரிவித்துள்ளார். டெல்லியில் அவருடன் தொலைபேசியில்பேசினோம். ஆதரிப்பதாகத் தெரிவித்தார்.

பாட்டாளி மக்கள் கட்சியின் தலைவர் ஜி.கே. மணியிடம் பேசினோம். முழு அடைப்புப் போராட்டத்துக்கு முழுஆதரவு தெரிவித்துள்ளார்.

அதிமுக தவிர்த்து அனைத்துக் கட்சிகளின் ஆதரவுடன் முழு அடைப்புப் போராட்டம் நிச்சயம் வெற்றிகரமாகநடக்கும் என்றார் ரங்கராஜன்.