புதுவை: காங்கிரசுக்கு ஆதரவு தொடரும் - த.மா.கா

சென்னை:

பாண்டிச்சேரியில் காங்கிரஸ் ஆட்சிக்கு த.மா.கா. தொடர்ந்து ஆதரவு அளிக்கும் என்று அக்கட்சியின் தலைவர்ஜி.கே.வாசன் தெரிவித்தார்.

சென்னையில் நேற்று (திங்கள்கிழமை) முன்னாள் பிரதமர் இந்திராகாந்தியின் பிறந்தநாள் தமிழ் மாநில காங்கிரஸ்கட்சியின் சார்பில் கொண்டாடப்பட்டது.

இந்த விழாவில் கலந்துகொண்ட பிறகு வாசன் நிருபர்களிடம் கூறியதாவது:

பாண்டிச்சேரியில் காங்கிரஸ் அரசு பதவியேற்றபோது, அதற்கு ஆதரவு தெரிவித்து த.மா.கா. கடிதம் கொடுத்தது.அந்தக் கடிதம் அப்படியே உள்ளது. தொடர்ந்து காங்கிரசுக்கு த.மா.கா. ஆதரவளிக்கும்.

இளங்கோவன் சொல்வதைப் போல த.மா.காவிலிருந்து யாரும் விலகி காங்கிரசில் சேரமாட்டார்கள். அனைவரும்இங்குதான் இருப்பார்கள்.

இவ்வாறு வாசன் கூறினார்.