விடுதலைப் புலிகளுடன் கன்னியாஸ்திரிக்கு தொடர்பா?

சேலம்:

சேலத்தில் கைது செய்யப்பட்ட வீரப்பன் ஆதரவு கன்னியாஸ்திரி வனச்செல்விக்கும் கன்னட நடிகர் ராஜ்குமாரைமீட்க உதவிய டாக்டர் பானுவுக்கும் தொடர்பு இருப்பதாகக் கூறப்படுகிறது. மேலும் இவருக்கு விடுதலைப்புலிகளுடனும் தொடர்பிருக்கலாம் என இன்டலிஜென்ஸ் பீரோ (ஐ.பி.) அதிகாரிகள் கருதுகின்றனர்.

இவர் தூத்துக்குடியைச் சேர்ந்தவர் என்றாலும் கூட பல்லாண்டுகளுக்கு முன் இலங்கையிலிருந்து வந்து தமிழகத்தில்குடியேறியிருக்கலாம் என்று கருதப்படுகிறது.

இவர் பேசும் வார்த்தைகள் அனைத்தும் இலங்கைத் தமிழைப் போல உள்ளதாகக் கூறப்படுகிறது.

கன்னட நடிகர் ராஜ்குமார் வீரப்பனால் கடத்தப்பட்டபோது, அவரை மீட்க உதவிய டாக்டர் பானுவுடனும்இவருக்குத் தொடர்பிருப்பதாகத் தெரிகிறது. டாக்டர் பானுவுக்கு பெங்களூர் தமிழர் விடுதலைப் பாசறை மற்றும்விடுதலைப் புலிகளுடன் தொடர்பு இருப்பதாக கருதப்படுகிறது.

ஆனால், பானு இதை தொடர்ந்து மறுத்து வருகிறார்.