அரசின் செலவைக் குறைக்க சிறப்பு கமிஷன் அமைப்பு

சென்னை:

தமிழக நிதி நிலை சீரமைப்பு குறித்து ஆய்வு செய்ய ஓய்வு பெற்ற நிதித்துறை செயலாளர் சுவாமிநாதன் தலைமையில்ஒரு நபர் கமிஷன் அமைக்கப்பட்டுள்ளது.

தமிழக அரசு சட்டசபையில் நிதி நிலை அறிக்கை (பட்ஜெட்) தாக்கல் செய்தபோது தமிழக நிதி நிலை சீரமைப்புகுறித்து கமிஷன் அமைக்கப்படும் என்று தெரிவிக்கப்பட்டிருந்தது.

தற்போது தமிழக நிதி நிலை மிகவும் மோசமாக உள்ளதாக அரசுத் தரப்பில் தெரிவிக்கப்பட்டுள்ள நேரத்தில் நிதிசீரமைப்பு குறித்தும், அரசு செலவுகளைக் கட்டுப்படுத்துவது தொடர்பாகவும் அரசுக்கு பரிந்துரை செய்ய ஒரு நபர்கமிஷனை தமிழக அரசு அமைத்துள்ளது.

ஓய்வு பெற்ற நிதித்துறை செயலாளர் சுவாமிநாதன் இதன் தலைவராக நியமிக்கப்பட்டுள்ளார். 6 மாதத்திற்குள் தனதுஅறிக்கையை அரசிடம் இவர் சமர்ப்பிப்பார் என்று அரசு செய்திக்குறிப்பில் தெரிவிக்கப்பட்டுள்ளது.