சென்னையில் அரசு ஊழியர்கள் போராட்டம்

சென்னை:

தங்களுக்கு அளிக்கப்பட்ட பல சலுகைகளை ரத்து செய்த தமிழக அரசைக் கண்டித்து இன்று (திங்கள்கிழமை) அரசுஊழியர்கள் சென்னையில் போராட்டம் நடத்தினர்.

சென்னை தேனாம்பேட்டையில் உள்ள டி.எம்.எஸ். அலுவலகம் முன்பாக தமிழக அரசு ஊழியர்கள் சங்கம் சார்பில்ஆர்ப்பாட்டம் நடத்தப்பட்டது.

நிதி நெருக்கடி காரணமாக அரசு ஊழியர்களுக்கு வழங்கப்பட்ட பல்வேறு சலுகைகளை ரத்து செய்துள்ளது.அதோடு நில்லாமல், ரூ.5,000 கோடிக்கான வரிச் சுமைகளையும் ஏழை மக்கள் மீது அரசு சுமத்தியுள்ளது.

இவற்றுக்கு எதிராக கோஷங்கள் எழுப்பினார்கள் இன்றைய போராட்டத்தில் கலந்து கொண்ட அரசு ஊழியர்கள்.

மேலும், இதுவரை தனித் தனியாகப் போராட்டம் நடத்தி வந்த பல்வேறு அரசு ஊழியர் சங்கங்கள் இனி இணைந்துபோராடவும் முடிவெடுத்துள்ளதாக சங்கத்தின் செயலாளர் ஸ்ரீதரன் கூறினார்.