அமெரிக்க விமான தாக்குதலில் பின் லேடன் மகன் பலி?

காபூல்:

ஆப்கானிஸ்தானில் அமெரிக்க விமானங்கள் நடத்திய குண்டு வீச்சுத் தாக்குதலில் சர்வதேச தீவிரவாதி ஒசாமா பின்லேடனின் மகன் பலியானதாகக் கூறப்படுகிறது.

ஆப்கானிஸ்தானின் தோரா போரா மலைப் பகுதிகளில்தான் பின் லேடன் பதுங்கியுள்ளதாகக் கருதும் அமெரிக்கவிமானங்கள், அங்கு இரவு பகலாகக் குண்டு வீசி வருகின்றன.

இந்தக் குண்டு வீச்சுத் தாக்குதலில் பின் லேடனின் மகனும் பலியாகிவிட்டதாக அமெரிக்க உளவுப் படையினர்தெரிவித்துள்ளனர்.

ஆனால் பின் லேடனின் மருமகன்தான் பலியானதாக வேறு சில தகவல்கள் தெரிவித்தன.

கார்சாய் காயம்:

இதற்கிடையே அமெரிக்க விமானங்கள் நடத்திய தாக்குதலின்போது, சில குண்டுகள் தவறான இலக்கில் விழுந்துவெடித்ததில், ஆப்கானிஸ்தான் புதிய பிரதமர் ஹமிது கார்சாய் காயமடைந்தார்.

குண்டு வெடித்ததால் சிதறிய பொருட்கள் அவர் மீது பட்டதால்தான் இந்தக் காயம் ஏற்பட்டதாகக் கூறப்படுகிறது.