விசுவ ஹிந்து பரிஷத் தலைவரைச் சந்திக்க கருணாநிதி மறுப்பு

சென்னை:

சென்னைக்கு வந்துள்ள விசுவ ஹிந்து பரிஷத் தலைவரான அசோக் சிங்காலைச் சந்திப்பதற்கு திமுக தலைவர்கருணாநிதி மறுத்துவிட்டார்.

இதுகுறித்து இன்று (வெள்ளிக்கிழமை) வெளியிட்டுள்ள அறிக்கையில் கூறியிருப்பதாவது:

இடிக்கப்பட்ட பாபர் மசூதி அதே இடத்திலேயே திரும்பவும் கட்டப்பட வேண்டும் என்று ஏற்கனவே திமுககூறியுள்ளது. திமுகவின் இந்தக் கருத்தில் மாற்றம் ஏதுமில்லை.

இதுகுறித்து வி.எச்.பி. தலைவர் அசோக் சிங்கால் என்னைச் சந்திக்க விரும்புவதாகக் கூறியிருந்தார். ஆனால்,அவரைச் சந்திக்க வேண்டிய அவசியமே இல்லை. அதனால் அவரைச் சந்திப்பதற்கு மறுத்து விட்டேன் என்றுஅவ்வறிக்கையில் குறிப்பிட்டுள்ளார் கருணாநிதி.