இங்கிலாந்திடம் பயிற்சி விமானம் வாங்குகிறது இந்தியா

டெல்லி:

இந்திய விமானப்படைக்கு தேவையான போர்ப் பயிற்சி விமானங்களை பிரிட்டனிடம் இருந்து வாங்க முடிவுசெய்யப்பட்டுள்ளதாக பாதுகாப்புத்துறை அமைச்சர் ஜார்ஜ் பெர்ணான்டஸ் கூறியுள்ளார்.

விமானப்படைக்கு ரஷ்யா, பிரான்ஸ் அல்லது இங்கிலாந்திடம் போர்ப்பயிற்சி விமானம் வாங்க இந்தியாதிட்டமிட்டிருந்தது. ஆனால், இத் திட்டம் கடந்த 10 ஆண்டுகளாக இழுத்தடிக்கப்பட்டு வந்தது.

இப்போது இங்கிலாந்திடம் இருந்து ஹாக் என்ற ரகத்தைச் சேர்ந்த இந்த விமானங்களை வாங்கமுடிவெடுக்கப்பட்டுள்ளது.

இங்கிலாந்திடமிருந்து ரூ.3,300 கோடி செலவில் 66 விமானங்கள் வாங்கத் திட்டமிடப்பட்டுள்ளது. இந்தவிமானங்கள் இந்தியாவின் தேவையை முழுமையாக பூர்த்தி செய்யும் வகையில் உள்ளன என பெர்னாண்டஸ்கூறினார். ஆனால் விலை அதிகம் உள்ளதாக இந்தியா கருதுகிறது. இப்போது இந்த விமானத்தை வாங்குவதற்கானஇறுதிக் கட்ட பேச்சுவார்த்தைகள் நடந்து வருகிறது.

போர் பயிற்சி விமானத்தை வாங்குவதில் நீண்ட தாமதம் ஆகிவிட்டதாகக் கூறிய பெர்னாண்டஸ், இதற்கு சில சுயநலக் கும்பல்கள் தான் காரணம் என்றார்.