திருநாவுக்கரசு, பா.ம.கவுக்கு விரைவில் மத்திய அமைச்சர் பதவி

டெல்லி:

இம்மாத இறுதியில் மத்திய அமைச்சரவை விரிவுபடுத்தப்படும் என்று தெரிகிறது.

இப்போது நடந்து வரும் நாடாளுமன்ற குளிர்காலக் கூட்டத் தொடர் 21ம் தேதி முடிவடைகிறது. இதையடுத்து 24அல்லது 28ம் தேதி மத்திய அமைச்சரவை விரிவு செய்யப்படலாம்.

அப்போது எம்.ஜி.ஆர். அதிமுகவை பா.ஜ.கவுடன் இணைக்கத் திட்டமிட்டுள்ள திருநாவுக்கரசு மத்தியஅமைச்சராகலாம் என்று தெரிகிறது.

இது தவிர சமீபத்தில் மீண்டும் பா.ஜ.க. கூட்டணிக்குத் திரும்பி வந்த பாட்டாளி மக்கள் கட்சிக்கும் மீண்டும்அமைச்சர்கள் பதவிகள் தர பிரதமர் வாஜ்பாய் திட்டமிட்டுள்ளார்.

பா.ம.கவைப் போலவே கோபித்துக் கொண்டு போய் திரும்பி வந்த மேற்கு வங்காள ஜெயலலிதா என்றுஅழைக்கப்படும் மம்தா பானர்ஜியின் திரிணமூல் காங்கிரஸ், இதுவரை மத்திய அமைச்சர் பதவி எதையும் ஏறகாமல்புறக்கணித்து வரும் தெலுங்கு தேசம் கட்சிகளுக்கும் அமைச்சரவையில் இடம் தரப்படும் என்று தெரிகிறது.