ஆப்கானிஸ்தான் செல்லும் இந்திய போலீஸ் அதிகாரிகள்

கரீம்நகர்:

இந்தியாவில் இருக்கும் காவல்துறை அமைப்பைப் போலவே ஆப்கானிஸ்தானிலும் அமைப்பதற்காக, விரைவில்இந்தியப் போலீஸ் அதிகாரிகள் அந்நாட்டுக்கு அனுப்பப்பட உள்ளதாக உள்துறை அமைச்சர் எல்.கே. அத்வானிகூறினார்.

ஆப்கானிஸ்தானில் தற்போது நியமிக்கப்பட்டுள்ள அரசுக்கு தன்னுடைய முழு ஆதரவைத் தெரிவித்துள்ளஇந்தியா, தற்போது அந்நாட்டு பாதுகாப்பு தொடர்பான உதவிகளையும் அளிக்கவுள்ளது.

ஆப்கானிஸ்தானை மறு சீரமைப்பதற்கு எவ்வளவு உதவிகள் வேண்டுமானாலும் செய்யத் தயார் என்று இந்தியாஏற்கனவே அறிவித்துள்ளது.

ஆப்கானிஸ்தானில் வரும் 22ம் தேதி பதவியேற்கவுள்ள ஹமீத் கார்சாய் தலைமையிலான அரசின் உள்துறைஅமைச்சர் யூனுஸ் கானூனி சமீபத்தில் இந்தியா வந்தபோது, அத்வானி மேலும் இதை உறுதி செய்தார்.

அப்போது இந்தியாவில் இருக்கும் போலீஸ் அமைப்பைப் போலவே ஆப்கானிஸ்தானிலும் ஒரு போலீஸ்அமைப்பை அமைத்துத் தரும்படி அத்வானியிடம் கானூனி கேட்டுக் கொண்டுள்ளார்.

அதன்படி ஒரு இந்திய போலீஸ் அதிகாரிகள் குழு விரைவில் ஆப்கானிஸ்தானுக்கு செல்லவுள்ளது என்று அத்வானிகூறினார்.