பிடிபட்டனர் முக்கிய தலிபான் அதிகாரிகள்

வாஷிங்டன்:

சமீபகால நடவடிக்கைகளில் சில முக்கிய தலிபான் தலைவர்கள் மற்றும் ராணுவ அதிகாரிகள் பிடிபட்டுள்ளதாகஅமெரிக்க அதிகாரி ஒருவர் கூறினார்.

பிடிபட்டுள்ளவர்களில் ஒருவர் தலிபான் உளவுப் படையைச் சேர்ந்தவர் என்று கூறப்படுகிறது.

பிடிபட்ட தலிபான் தலைவர்கள் தற்போது நார்த்தர்ன் அலையன்ஸ் படையினரின் கட்டுப்பாட்டில் உள்ளனர்.

இந்நிலையில் தலிபான் தலைவர் முல்லா ஒமரை முழு வீச்சில் தேடி வருகின்றனர். கடைசியாக அவர்காண்டஹாரில்தான் தென்பட்டதாகக் கூறப்படுகிறது.

எனவே அவர் வேறு எங்கும் நீண்ட தூரம் போயிருக்க முடியாது என்றும் காண்டஹாரைச் சுற்றிலும் அவரைத்தேடும் பணி தீவிரப்படுத்தப்பட்டுள்ளது என்றும் அமெரிக்க அதிகாரிகள் தெரிவித்தனர்.