புதுவை: ராமச்சந்திரன் சபாநாயகராக நீடிப்பாரா?

சென்னை:

பாண்டிச்சேரி சட்டசபை சபாநாயகராக டி.ராமச்சந்திரன் நீடிப்பதில் காங்கிரஸ் கட்சியில் உள்ள சில எம்.எல்.ஏக்கள்எதிர்ப்பு தெரிவித்துள்ளனர். ஆனால் திமுக அவருக்கு ஆதரவு தெரிவித்துள்ளது.

பாண்டிச்சேரி சட்டசபை சபாநாயகராக டி.ராமச்சந்திரன் பதவி வகிக்கிறார். இவர் அதிமுகவைச் சேர்ந்தவராக சிலவாரங்களுக்கு முன்பு வரை இருந்தார்.

ஆனால் சண்முகம் தலைமையிலான அரசு மாறி ரங்கசாமி புதிய தலைவரான பிறகு அதிமுக, காங்கிரஸ் இடையேகருத்து வேறுபாடு ஏற்பட்டது.

இதையடுத்து காங்கிரஸ் அரசுக்கு அளித்த ஆதரவை அதிமுக வாபஸ் பெற்றுக் கொண்டது. ராமச்சந்திரனையும்உடனடியாக சபாநாயகர் பதவியிலிருந்து ராஜினாமா செய்ய உத்தரவிட்டது.

ஆனால் துணை சபாநாயகர் பதவியில் இல்லாததால் தான் ராஜினாமா செய்ய முடியாது என்று ராமச்சந்திரன் கூறிவிட்டார். இதையடுத்து அவர் கட்சியை விட்டு நீக்கப்பட்டார். ஆனால் தற்போது தொடர்ந்து அப்பதவியில் இருந்துவருகிறார்.

தற்போது ராமச்சந்திரன் சபாநாயகர் பதவியில் தொடர்வது குறித்து காங்கிரஸ் கட்சிக்குள் சில எம்.எல்.ஏ.க்கள்எதிர்ப்பு தெரிவித்துள்ளனர். இதுகுறித்து 6 எம்.எல்.ஏக்கள் கட்சித் தலைவர் சோனியா காந்திக்கு கடிதம்எழுதியுள்ளனர். அதில் உடனடியாக ராமச்சந்திரனை பதவியிலிருந்து நீக்க வேண்டும் என்று கோரியுள்ளனர்.

ஆனால் மாநிலத் தலைவர் நாராயணசாமியும், தலைவர் ரங்கசாமியும் ராமச்சந்திரனுக்கு ஆதரவாக இருப்பதாகத்தெரிகிறது.

இதற்கிடையே, ராமச்சந்திரன் தற்போது எந்தக் கட்சியையும் சாராதவராக இருக்கிறார். சபாநாயகர் என்பவரும்அப்படித்தான் இருக்க வேண்டும். எனவே ராமச்சந்திரன் நீடிப்பதில் தவறில்லை என்று திமுக கூறியுள்ளது.

ராமச்சந்திரன் சபாநாயகராக நீடிப்பாரா இல்லையா என்பது குறித்து காங்கிரஸ் கட்சிதான் இனி முடிவு செய்யவேண்டும்.