அதிமுகவுடன் கூட்டணியா? - "நோ சான்ஸ்" என்கிறது பாஜக

சென்னை:

பாஜகவுடன் அதிமுக கூட்டணி சேர்வதற்கு வாய்ப்பேயில்லை என்று பாஜக தலைவர் ஜனா கிருஷ்ணமூர்த்திசென்னையில் இன்று (ஞாயிற்றுக்கிழமை) கூறினார்.

சென்னையில் அவர் நிருபர்களுக்கு பேட்டியளிக்கையில் கூறியதாவது:

பொடோ சட்டத்திற்கு அதிமுக ஆதரவளித்ததை வைத்து நாங்கள் அக்கட்சியுடன் கூட்டணி வைக்கப் போகிறோம்என்று எண்ணக் கூடாது.

இந்த ஆதரவு மத்திய-மாநில அரசுகளுக்கிடையே உள்ள உறவைத்தான் தெரிவிக்கிறதே தவிரஅதிமுக-பாஜகவுக்கு இடையே கூட்டணி ஏற்படும் என்று சொல்லிவிட முடியாது.

மேலும் தமிழகத்தில் பாஜகவும், திமுகவும் வைத்துள்ள கூட்டணி தொடரும். பாஜக அமைச்சரவையில் திமுகவும்உள்ளது என்பதை யாரும் மறந்துவிடக் கூடாது என்று ஜனா கூறினார்.