டெல்லியில் பனிமூட்டம்: சென்னை விமானங்கள் தாமதம்

சென்னை:

டெல்லியில் கடுமையான பனி மூட்டத்தால் சென்னையிலிருந்து அங்கு செல்ல வேண்டிய விமானங்கள் 3 மணிநேரம் தாமதமாகவே புறப்பட்டுச் சென்றன.

டெல்லியில் குளிர் காலம் ஆரம்பித்து விட்டதால் அங்கு கடுமையா குளிர் வாட்டுகிறது. கடந்த சில நாட்களாகவேடெல்லியில் அதிகாலை நேரங்களில் பனிமூட்டம் ஏற்பட்டு, எதிரே யார் வருகிறார்கள் என்று கூடத் தெரியாதஅளவுக்கு மக்கள் திண்டாடி வருகின்றனர்.

இந்நிலையில் இன்றும் (வியாழக்கிழமை) டெல்லியில் கடுமையான பனிமூட்டம் ஏற்பட்டது. இதனால் டெல்லிவிமான நிலையத்தில் விமானப் போக்குவரத்து முழுமையாகப் பாதிக்கப்பட்டது.

இதையடுத்து சென்னையிலிருந்து டெல்லிக்குச் செல்ல வேண்டிய விமானங்கள் சுமார் மூன்று மணி நேரம்தாமதமாகவே புறப்பட்டுச் சென்றன.

இதனால் டெல்லியிலிருந்து சென்னைக்கு வரவேண்டிய விமானங்களும் தாமதமாகவே வரும் என்றுகூறப்படுகிறது.