300வது விக்கெட்டை வீழ்த்தி கும்ப்ளே சாதனை

பெங்களூர்:

பெங்களூரில் இந்திய-இங்கிலாந்து அணிகளுக்கிடையே நடைபெறும் மூன்றாவது கிரிக்கெட் டெஸ்ட் போட்டியின்2வது நாளான இன்று (வியாழக்கிழமை) இந்திய சுழற்பந்து வீச்சாளர் அனில் கும்ப்ளே தன்னுடைய 300வதுவிக்கெட்டை வீழ்த்தினார்.

இதன் மூலம் கபில்தேவுக்கு (434 விக்கெட்டுகள்) அடுத்தபடியாக 300வது விக்கெட்டைப் பெறும் இரண்டாவதுஇந்திய கிரிக்கெட் வீரர் என்ற பெருமை கும்ப்ளேக்குக் கிடைத்துள்ளது.

ஆனாலும் கபில்தேவ் வேகப்பந்து வீச்சாளர் என்பதால், 300வது விக்கெட்டைப் பெறும் முதல் இந்திய சுழற்பந்துவீச்சாளர் என்ற பெருமையை கும்ப்ளே பெற்றுள்ளார்.

இங்கிலாந்து அணியின் மேத்யூ ஹோக்கார்டை எல்.பி.டபிள்யூ மூலம் அவுட் ஆக்கியதையடுத்து, கும்ப்ளே இந்தச்சாதனையை எட்டியுள்ளார்.

நேற்றைய முதல் ஆட்டத்தின்போதே கும்ப்ளே இச்சாதனையைச் செய்வார் என்று அனைவரும் எதிர்பார்த்துக்கொண்டிருந்தனர்.

ஆனால் இங்கிலாந்து அணியின் கடைசி ஆட்டக்காரரை இன்று வீழ்த்தியதன் மூலமாகத்தான் அவரால் இந்தச்சாதனையைப் படைக்க முடிந்தது.

இந்தியாவும் திணறல்:

இதற்கிடையே இந்த 3வது டெஸ்டின் முதல் இன்னிங்சில் இந்தியாவும் திணறிக் கொண்டிருக்கிறது.

தொடக்கத்திலேயே அடுத்தடுத்து இரு விக்கெட்டுகளை இழந்தது இந்திய அணி. தாஸ்குப்தா (டக் அவுட்) 4வதுஓவரிலேயே பிளின்டாப்பின் பந்தை டிரஸ்கோத்தின் கைகளில் கேட்ச் கொடுத்துவிட்டு வெளியேற, 12 ரன்கள்மட்டுமே எடுத்த லக்ஷ்மண் அவருடைய பந்திலேயே க்ளீன் போல்டானார்.

அப்போது இந்திய அணியின் ஸ்கோர் 22 மட்டுமே.

இதையடுத்து சிவ் சுந்தர் தாசுடன் இந்தியாவின் நம்பிக்கை நட்சத்திரமான சச்சின் டெண்டுல்கர் கூட்டணி சேர்ந்தார்.இருவரும் நின்று நிதானமாக, இந்தியாவின் ஸ்கோரை படிப்படியாக உயர்த்தினர்.

ஆனால் டெண்டுல்கரின் வேகத்துக்கு தாசால் ஈடுகொடுக்க முடியவில்லை. இந்திய அணி 88 ரன்களைஎடுத்திருந்தபோது, பிளின்டாப்பின் பந்திலேயே அவரும் க்ளீன் போல்டாகி பெவிலியன் திரும்பினார்.

இன்றைய ஆட்டநேர இறுதியில் இந்தியா மூன்று விக்கெட்டுகளை இழந்து 99 ரன்கள் எடுத்திருந்தது.

முன்னதாக, 6 விக்கெட்டுகள் இழப்புக்கு 255 என்ற நேற்றைய ஸ்கோருடன் இன்று களமிறங்கிய இங்கிலாந்துஅணி, மேலும் 81 ரன்களை எடுத்து தன்னுடைய முதல் இன்னிங்சை இழந்தது.

இந்திய வேகப் பந்து வீச்சாளர் ஜவகல் ஸ்ரீநாத்துக்கு 4 விக்கெட்டுகளும், சரண்தீப் சிங்குக்கு 3 விக்கெட்டுகளும்,கும்ப்ளேக்கு ஒரு விக்கெட்டும் (அவருடைய 300வது டெஸ்ட் விக்கெட்) கிடைத்தன.

ஸ்கோர் விவரம்:

முதல் இன்னிங்ஸ்

இங்கிலாந்து - 336/10 (123.3 ஓவர்கள்)

இந்தியா - 99/3 (43 ஓவர்கள்)