கொல்லப்பட்ட தீவிரவாதியிடம் பிரீத்தி ஸிண்டாவின் இ-மெயில் முகவரி!

டெல்லி:

நாடாளுமன்றத்தைத் தாக்க வந்து கொல்லப்பட்ட தீவிரவாதியிடம் இந்தி நடிகை பிரீதி ஸிண்டாவின் இ-மெயில்முகவரி இருந்தது.

கொல்லப்பட்ட தீவிரவாதியான ஹம்சாவின் சட்டைப் பையில் இருந்த காகிதத்தில்

என்றஇ-மெயில் முகவரி இருந்தது. இவன் பிரீத்தியின் ரசிகனா அல்லது அவரைக் கடத்தும் திட்டங்கள் ஏதும் இக்கும்பலிடம் இருந்ததா என்பது குறித்தும் விசாரணை தொடங்கியுள்ளது.

பாதுகாப்பை பலப்படுத்திக் கொள்ளுமாறும் அவருக்கு போலீசார் அறிவுறுத்தியுள்ளனர்.

இந் நிலையில் அது தன்னுடைய முகவரி இல்லை என பிரீத்தி மறுத்துள்ளார். இப்போது சிட்னியில் உள்ள பிரீத்திகூறுகையில், எனக்கு பாதுகாப்பு ஏதும் தேவையில்லை. நான் ராஜ்புத் இனப் பெண். எனக்கு பயம் ஏதும் இல்லை.

என் அம்மா மும்பையில் இருந்து தொலைபேசியில் தொடர்பு கொண்டு இந்த இ-மெயில் விவகாரம் குறித்துச்சொன்னார். நான் அதிர்ந்துவிட்டேன். இதுவரை எனக்கு யாரிடமிருந்தும் அச்சுறுத்தல் வந்ததில்லை என்றார்.