மத்திய அரசுக்கு திமுக முழு ஆதரவு

சென்னை:

தீவிரவாதத்தை ஒழிக்க மத்திய அரசு என்ன நடவடிக்கை எடுத்தாலும் ஆதரிக்கத் தயார் என திமுக தலைவர்கருணாநிதி கூறினார்.

பொடோ சட்டத்தை கருணாநிதி எதிர்க்க அதை ஆதரித்து திமுக-பா.ஜ.க. உறவில் இடையில் நுழைந்துவிளையாடினார் அதிமுக பொதுச் செயலாளர் ஜெயலலிதா.

இந் நிலையில் தீவிரவாதத்துக்கு எதிராக மத்திய அரசு எடுக்கும் எந்த நடவடிக்கையையும் ஆதரிப்பதாகக்கருணாநிதி முந்திக் கொண்டு கூறியுள்ளார். அதிமுகவும் இதே நிலையை எடுக்கும் என்று தெரிகிறது.

அறிவாலயத்தில் நிருபர்களிடம் கருணாநிதி கூறுகையில், அண்ணாவின் காலத்தில் இருந்தே தேசிய பாதுகாப்புவிஷயத்தில் மத்திய அரசுகளை திமுக ஆதரித்து வந்துள்ளது. இப்போதும் ஆதரிக்கும்.

இந்தியத் தூதரை திரும்ப அழைத்ததன் மூலம் மத்திய அரசு சரியான முறையில் செயல்பட்டுள்ளது. பாகிஸ்தானுடன்போரை மட்டுமல்ல, எந்த மோதலையும் சமாளிக்கும் திறன் இந்தியாவுக்கு உள்ளது.