கிரிக்கெட்: டெஸ்ட் தொடரை இந்தியா வென்றது

பெங்களூர்:

இங்கிலாந்துக்கெதிரான மூன்றாவது கிரிக்கெட் டெஸ்ட் போட்டி மழையினால் கைவிடப்பட்டதையடுத்து, இந்தடெஸ்ட் தொடரை 1-0 என்ற கணக்கில் இந்தியா வென்றது.

பெங்களூர் டெஸ்ட்டின் தொடக்க நாளிலிருந்தே மழை பயமுறுத்திக் கொண்டே இருந்தது.

மூன்றாவது, நான்காவது நாள் ஆட்டங்கள் மழையால் பாதிக்கப்பட்ட நிலையில், ஐந்தாவது-இறுதி நாள் ஆட்டமும்இன்று (ஞாயிற்றுக்கிழமை) முற்றிலுமாகப் பாதிக்கப்பட்டது.

ஒரு பந்து கூட வீசப்படாத நிலையில் இன்றைய ஆட்டம் கைவிடப்பட்டதாக நடுவர்கள் அறிவித்தனர். இந்தடெஸ்ட்டும் டிராவானது.

இதையடுத்து மொஹாலி டெஸ்ட்டில் இந்தியா வெற்றி பெற்றதால் 1-0 என்ற கணக்கில் இங்கிலாந்துக்கு எதிரானடெஸ்ட் தொடரை இந்தியா வென்றது.

அகமதாபாத் மற்றும் பெங்களூர் டெஸ்ட் போட்டிகள் டிராவில் முடிவடைந்தன.

3வது டெஸ்ட் ஸ்கோர் விவரம்:

முதல் இன்னிங்ஸ்

இங்கிலாந்து - 336/10 (123.3 ஓவர்கள்)
இந்தியா - 238/10 (94.3 ஓவர்கள்)

2வது இன்னிங்ஸ்

இங்கிலாந்து - 33/0 (7.1 ஓவர்கள்)