ஆண்டிப்பட்டியில் திமுக போட்டியிடும்: கருணாநிதி

சென்னை:

ஆண்டிப்பட்டி இடைத் தேர்தலில் திமுக போட்டியிடும் என கருணாநிதி அறிவித்தார்.

இதன்மூலம் ஜெயலலிதாவுக்கு எதிராக பொது வேட்பாளரை நிறுத்தும் திட்டம் தவிடுபொடியாகிவிட்டது.

ஜெயலலிதாவை எதிர்த்து பொது வேட்பாளரை நிறுத்தலாம் என பாட்டாளி மக்கள் கட்சி நிறுவனர் ராமதாஸ் தான்முதலில் யோசனை தெரிவித்தார். இதை திமுகவும் ஆதரித்தது. ஆனால், காங்கிரஸ் தலைவர் இளங்கோவன் இத்தொகுதியில் தனது கட்சி தனித்துப் போட்டியிடும் என அறிவித்தார்.

இந்திய கம்யூனிஸ்ட் கட்சியும் பொது வேட்பாளர் யோசனைக்கு எதிர்ப்புத் தெரிவித்தது.

இந் நிலையில் கருணாநிதியும் திமுக சார்பில் வேட்பாளர் நிறுத்தப்படுவார் என இன்று (புதன்கிழமை)அறிவித்துவிட்டார்.

இதனால் அத் தொகுதியில் ஜெயலலிதா வெல்வது கிட்டத்தட்ட நிச்சயமாகிவிட்டது.