ஆண்டிப்பட்டியில் திமுக வேட்பாளர் யார்? - கருணாநிதி விளக்கம்

சென்னை:

ஆண்டிப்பட்டி இடைத்தேர்தலில் திமுக போட்டியிடுவது பற்றி கூட்டணிக் கட்சிகளுடன பேசிய பிறகே முடிவுசெய்யப்படும் என்று திமுக தலைவர் கருணாநிதி கூறியுள்ளார்.

ஆண்டிப்பட்டி உட்பட தமிழகத்தில் காலியாக உள்ள மூன்று தொகுதிகளிலும் வரும் பிப்ரவரி 21ம் தேதிஇடைத்தேர்தல் நடத்தப்படும் என்று தேர்தல் ஆணையம் அறிவித்துள்ளது.

ஆண்டிப்பட்டி தொகுதியில் திமுக போட்டியிடும் என்றும் நேற்று கருணாநிதி கூறியிருந்தார். இதையடுத்து, திமுகசார்பில் நிறுத்தப்படும் வேட்பாளர் குறித்து நிருபர்களிடம் கருணாநிதி கூறுகையில்,

கடந்த தேர்தலிலேயே ஆண்டிப்பட்டி தொகுதியில் திமுக போட்டியிட்டது. அதனால் இந்த இடைத் தேர்தலிலும்திமுக தன் வேட்பாளரை ஆண்டிப்பட்டியில் நிறுத்தும்.

ஆனால் இது பற்றி தேசிய ஜனநாயக கூட்டணி கட்சி தலைவர்களுடன் கலந்தாலோசித்த பின்பே முடிவுசெய்யப்படும் என்றார் அவர்.