டெல்லியில் 2வது நாளாக கடும் பனிமூட்டம்

டெல்லி:

டெல்லியில் தொடர்ந்து இரண்டாவது நாளாக இன்றும் (சனிக்கிழமை) கடுமையான பனிமூட்டம்நிலவியதையடுத்து, அங்கு இயல்பு வாழ்க்கை பாதிக்கப்பட்டுள்ளது.

எதிரே யாரும் வருகிறார்களா என்று கூடத் தெரியாத அளவுக்கு கடுமையான பனிமூட்டம் அங்கு நிலவுகிறது.

இதையடுத்து, இன்றும் விமான மற்றும் ரயில் போக்குவரத்து பாதிக்கப்பட்டுள்ளது.

பல உள்நாட்டு, வெளிநாட்டு விமானங்கள் பலமணி நேரம் தாமதமாகவே புறப்பட்டுச் சென்றன.

இன்னும் இரு நாட்களுக்கு இதுபோன்ற பனிமூட்டம் தொடர்ந்து காணப்படும் என்று வானிலை ஆய்வு மையம்தெரிவித்துள்ளது.

டெல்லியில் குறைந்தபட்ச வெப்பநிலை 0 (ஜீரோ) டிகிரியையும் தொட்டுவிட்டதாகக் கூறப்படுகிறது.

ஜெய்ப்பூர் சென்றது அத்வானி வந்த விமானம்:

டெல்லியில் காணப்பட்ட இந்தக் கடுமையான பனிமூட்டம் காரணமாக, இந்தூரிலிருந்து டெல்லிக்கு அத்வானிவந்து கொண்டிருந்த விமானம் நேற்று இரவு ஜெய்ப்பூருக்குத் திருப்பிவிடப்பட்டது.

பின்னர் அத்வானி கார் மூலமாகவே டெல்லி திரும்பினார்.