தீவிரவாதத்துக்கு எதிரான அரசின் முயற்சிக்கு பாஜக ஆதரவு

டெல்லி:

தீவிரவாதத்துக்கு எதிராக மத்திய அரசு மேற்கொள்ளும் எந்த நடவடிக்கைக்கும் பாரதீய ஜனதா கட்சி (பாஜக)ஆதரவளிக்கும் அக்கட்சியின் தலைவர் ஜனா கிருஷ்ணமூர்த்தி கூறியுள்ளார்.

டெல்லியில் இன்று கூடிய பாஜகவின் தேசிய செயற்குழுக் கூட்டத்தில் உரையாற்றிய போது ஜனா இவ்வாறுகூறினார்.

இந்தியாவுக்குள் தீவிரவாதம் ஊடுருவக் கூடாது என்பதில் பாஜக உறுதியாக உள்ளது. அப்படி ஊடுருவும் பட்சத்தில்அது முற்றிலுமாகக் களையப்பட வேண்டும் என்ற கொள்கையிலும் நாங்கள் உறுதியாக உள்ளோம் என்றும் ஜனாதெரிவித்தார்.

தீவிரவாதத்துக்கு எதிராக ஏற்கனவே மத்திய அரசு பல்வேறு நடவடிக்கைகளை எடுத்து வருவதை நாங்கள்ஆதரிக்கிறோம் என்றார் ஜனா.

மேலும், தீவிரவாதத்திற்கு எதிரான மத்திய அரசின் இன்னும் தீவிரமான நடவடிக்கைகளையும் பாஜக ஆதரிக்கும்என்றும் அவர் கூறினார்.

பாஜக மட்டுமல்லாமல் நாட்டு மக்களும் இவ்விஷயத்தில் மத்திய அரசுக்குத் தோள்கொடுத்து நிற்பார்கள் என்றுஉறுதியாக என்னால் சொல்ல முடியும் என்றும் ஜனா அக்கூட்டத்தில் பேசினார்.