தமாகா ஜனநாயக பேரவைக்கு புதிய கொடி: ப.சி. அறிமுகம்
சென்னை:
தமாகா ஜனநாயக பேரவை கட்சியின் புதிய கொடியை அதன் பொதுச் செயலாளர் ப. சிதம்பரம் அறிமுகம் செய்துவைத்து உறுப்பினர் அட்டைகளையும் வழங்கினார்.
தமாகா ஜனநாயக பேரவை கட்சிக்கு புதிய கொடி அறிமுக விழாவும் உறுப்பினர் அட்டை வழங்கும் விழாவும்சென்னை புரசைவாக்கத்தில் உள்ள ராஜ்மஹால் திருமண மண்டபத்தில் நடைபெற்றது.
கொடியை மாநில நிர்வாகிகள், மண்டல செயலாளர்கள், மாவட்ட செயலாளர்கள் மத்தியில் அறிமுகம் செய்துவைத்தார் சிதம்பரம்.
மேலே ஆரஞ்சு, மத்தியில் வெள்ளை, கீழே பச்சை நிறங்களில் காங்கிரஸ் கொடி போலவே இருக்கும் இக்கொடியின்நடுவில் நீல நிறத்தில் 3 நட்சத்திரங்கள் பொறிக்கப்பட்டுள்ளன.
தன்மானம், தனித்தன்மை, தமிழ்நாட்டில் நல்லாட்சி ஆகிய குறிக்கோள்கள்களை குறிக்கும் வகையில் நட்சத்திரங்கள்இருப்பதாக சிதம்பரம் கூறினார்.
அதை தொடர்ந்து உறுப்பினர் அட்டை வழங்கும் நிகழ்சி நடைபெற்றது. முதல் உறுப்பினர்அட்டையைசிதம்பரத்திடம் ரெங்கநாதன் எம்.எல்.ஏ. வழங்கினார். பிறகு கட்சி நிர்வாகிகளுக்கு உறுப்பினர்அட்டையை வழங்கினார் சிதம்பரம்.