செக்ஸ் வெப் சைட்களை முடக்க தயார்: வி.எஸ்.என்.எல்.

சென்னை:

ஆபாச வெப் சைட்டுகளை முடக்க வி.எஸ்.என்.எல். தயார், ஆனால் அதற்கு மத்திய அரசின் உத்தரவு தேவை என்றுவிதேஷ் சன்சார் நிகாம் லிமிடெட் நிறுவன பொது மேலாளர் பரமேஸ்வரன் கூறியுள்ளார்.

சென்னையில் செய்தியாளர்களிடம் அவர் கூறியதாவது:

கார்கில் போருன்போது பாகிஸ்தான் ஆதரவு வெப் சைட்டுகளை மத்திய அரசின் கோரிக்கையின் பேரில்முடக்கினோம். அதுபோலவே இன்டர்நெட்டில் உள்ள ஆபாச வெப் சைட்டுகளை முடக்கவும் மத்திய அரசின்அனுமதி தேவை.

தற்போது இன்டர்நெட்டில் 19,000 ஆபாச சைட்டுகள் வரை இருப்பதாக தெரிகிறது. இன்டர்நெட் பார்க்கும்வழக்கம் உடையவர்களில் வெறும் 10 சதவீதம் பேர் மட்டுமே இதுபோன்ற சைட்டுகளை பார்க்கின்றனர்.

மலேசியா, சிங்கப்பூர் போன்ற நாடுகளில் இந்த வெப் சைட்டுகளை அந்த நாட்டு அரசுகள் கட்டுப்பாட்டுக்குள்கொண்டு வந்துவிட்டன. இந்தியாவிலும் சட்ட நடவடிக்கை மூலம் இந்த வெப் சைட்டுகளை கட்டுப்படுத்தவேண்டும் என்று அவர் கூறினார்.