வாஜ்பாயிடம் சென்று கை குலுக்கிய முஷாரப்

காத்மாண்டு:

சார்க் மாநாட்டில் பேசி முடித்த பின் பிரதமர் வாஜ்பாய் அமர்ந்திருந்த இடத்திற்கே சென்று அவரிடம் கைகுலுக்கினார் பாகிஸ்தான் ராணுவ ஆட்சியாளர் பர்வேஸ் முஷாரப்.

முன்னதாக இந்த மாநாடு இன்று காலை தொடங்கியவுடன் நேபாளப் பிரதமர் ஷேர் பகதூர் பேசினார். அடுத்ததாகபர்வேஸ் முஷாரப் பேசினார்.

மேடையில் முஷாரப் உட்கார்ந்திருந்த பக்கம் கூடத் திரும்பாமல் பிரதமர் வாஜ்பாய் அமர்ந்திருந்தார்.

இந் நிலையில் தனது பேச்சை முடித்த பின் நேரடியாக பிரதமர் வாஜ்பாயிடம் சென்ற முஷாரப் அவரிடம் கைகொடுத்தார். வாஜ்பாயும் எழுந்து நின்று கை குலுக்கினார்.