பாகிஸ்தானில் டோனி பிளேர்

இஸ்லாமாபாத்:

இந்திய-பாகிஸ்தான் எல்லையில் நிலவிவரும் பதற்றத்தைத் தணிக்கும் விதமாகப் பேச்சுவார்த்தை நடத்துவதற்காகஇங்கிலாந்து பிரதமர் டோனி பிளேர் இன்று (திங்கள்கிழமை) பிற்பகல் பாகிஸ்தான் போய் சேர்ந்தார்.

இரு நாடுகளுக்கும் அமைதித் தூதராய் கடந்த வெள்ளிக்கிழமை வந்த பிளேர், பெங்களூர் மற்றும் ஹைதராபாத்தில்பல்வேறு நிகழ்ச்சிகளில் கலந்து கொண்ட பின் நேற்று மாலை இந்தியப் பிரதமர் வாஜ்பாயைச் சந்தித்துப்பேச்சுவார்த்தை நடத்தினார்.

பின்னர் இன்று காலை ஜனாதிபதி மாளிகை சென்று கே.ஆர். நாராயணனைச் சந்தித்த பிளேர், பாகிஸ்தான்கிளம்பினார்.

சாக்லாலா விமான நிலையத்தில் பிளேரை வரவேற்றார் பாகிஸ்தான் வெளியுறவுத் துறை அமைச்சர் அப்துல் சத்தார்.

இந்திய நாடாளுமன்றத்தைத் தாக்கிய தீவிரவாத அமைப்புகளை முடக்குவது தொடர்பாக பாகிஸ்தான் அதிபர்பர்வேஸ் முஷாரப்புடன் பிளேர் பேச்சு நடத்துவார்.

நேற்று வாஜ்பாயுடன் சுமார் ஒரு மணி நேரம் பேசிய பிளேர், இந்தியாவின் நிலையைத் தெளிவாக முஷாரப்பிடம்எடுத்துக் கூறுவார் என்று எதிர்பார்க்கப்படுகிறது.