விமானத்தை கட்டடத்தில் மோதிய சிறுவன் "ஒசாமா ரசிகன்"

வாஷிங்டன்:

அமெரிக்காவின் ப்ளோரிடாவில் கட்டடத்தின் மேல் விமானத்தை மோதி இறந்த குட்டி விமானத்தின் பைலட்சிறுவன் சர்வதேச தீவிரவாதியான ஒசாமா பின் லேடனின் ரசிகன் என்பது தெரிய வந்துள்ளது.

இறந்து போன அந்தச் சிறுவன் சார்லஸ் பிஷப்பின் சட்டைப் பாக்கெட்டில் இருந்து ஒரு கடிதத்தைப் போலீசார்கைப்பற்றினர்.

அக்கடிதத்தில் பின் லேடனுக்காக தன்னுடைய அனுதாபங்களைக் கூறியுள்ளான் சார்லஸ்.

மேலும் செப்டம்பர் 11ல் அமெரிக்காவில் நடத்தப்பட்ட தாக்குதலை ஆதரித்தும் சார்லஸ் அக்கடிதத்தில்எழுதியுள்ளான்.

யாருடைய உதவியும் இல்லாமல் தானாகவே குட்டி விமானத்தைக் கிளப்பிக் கொண்டு போய் கட்டடத்தில்மோதியுள்ள அந்தச் சிறுவன், கடந்த மார்ச் மாதம்தான் விமானப் பயிற்சிப் பள்ளியில் சேர்ந்தான்.

பயிற்சியாளர் இல்லாமல் விமானத்தை எடுத்துச் செல்லக் கூடாது என்று தெரிந்தும், சார்லஸ் செஸ்னா 172 என்றஅந்தக் குட்டி விமானத்தை யாருக்கும் தெரியாமல் கிளப்பிக் கொண்டு போய்விட்டான்.

டாம்பாவில் உள்ள 42 மாடிக் கட்டடத்தில் மோதிய உடனேயே சார்லஸ் இறந்துவிட்டான்.

வார இறுதி என்பதால் அந்தக் கட்டடத்தில் மக்கள் கூட்டம் இல்லை. இதனால் அந்தச் சிறுவனைத் தவிர வேறுஉயிர்ச் சேதம் ஏற்படவில்லை.