ராணுவ முகாம் மீது தாக்குதல்: 2 லஷ்கர் தீவிரவாதிகள் பலி

ஸ்ரீநகர்:

காஷ்மீரில் உள்ள இந்திய ராணுவ முகாம் மீது லஷ்கர்-ஏ-தொய்பா தீவிரவாத அமைப்பின் தற்கொலைப்படையினர் இன்று (செவ்வாய்க்கிழமை) திடீர் தாக்குதல் நடத்தினர்.

கூப்வாரா மாவட்டம் ட்ரேகாமில் உள்ள இந்திய ராணுவ முகாமில் உள்ள ராணுவ வீரர்கள் தக்க பதிலடிகொடுத்தனர்.

இதையடுத்து அங்கு இரு தரப்பினருக்கும் இடையே கடுமையான துப்பாக்கிச் சண்டை நடந்தது.

சுமார் அரை மணி நேரம் நடந்த இந்தத் துப்பாக்கிச் சண்டையில் லஷ்கர்-ஏ-தொய்பா அமைப்பைச் சேர்ந்த முஷ்டக்அகமது மற்றும் அபு அயால் ஆகிய தீவிரவாதிகள் சுட்டுக் கொல்லப்பட்டனர்.

ராணுவ வீரர் ஒருவரும் இந்தச் சண்டையில் பலியானார். மற்றொரு வீரர் காயமடைந்தார்.

ராணுவ முகாமைத் தாக்கிய மற்றொரு தீவிரவாதி தப்பித்து விட்டான்.