கார் விபத்தில் சமயநல்லூர் எம்.எல்.ஏ. படுகாயம்

கோயம்புத்தூர்:

மதுரை மாவட்டம் சமயநல்லூர் தொகுதி அதிமுக எம்.எல்.ஏ. பொன்னம்பலம் கார் விபத்தில் படுகாயமடைந்தார்.

கோவை மாவட்டம் திருப்பூருக்கு பொன்னம்பலம் உள்ளிட்ட நான்கு எம்.எல்.ஏக்கள் சென்றிருந்தனர். பின்னர்அவர்கள் ஜீப்பில் டாப் ஸ்லிப் மலைப் பகுதிக்குச் சென்று கொண்டிருந்தனர்.

ஒரு ஜீப்பில் பொன்னம்பலமும் அவரது மகன் திருச்சிற்றம்பலமும் பயணம் செய்தனர். ஜீப்பை டிரைவர் நாராயணன்ஓட்டினார்.

பொள்ளாச்சி அருகே காட்டாம்பட்டி கிராமம் அருகே ஜீப் சென்றபோது எதிர்பாராதவிதமாக கவிழ்ந்து விழுந்தது.இதில் எம்.எல்.ஏ. பொன்னம்பலத்தின் தலையில் படுகாயம் ஏற்பட்டது. அவரது மகனுக்கும், ஜீப் டிரைவருக்கும்லேசான காயம் ஏற்பட்டது.

படுகாயமடைந்த எம்.எல்.ஏ. உடனடியாக கோவை நகருக்குக் கொண்டு வரப்பட்டு தனியார் மருத்துவமனைஒன்றில் சேர்க்கப்பட்டார்.

அவரது நிலை மிகவும் கவலைக்கிடமாக உள்ளதாக டாக்டர்கள் தெரிவித்தனர்.