பாகிஸ்தானில் நொறுங்கி விழுந்த அமெரிக்க விமானம்

வாஷிங்டன்:

அமெரிக்க ராணுவ விமானம் ஒன்று பாகிஸ்தானில் உள்ள மலைப் பகுதியில் நொறுங்கி விழுந்ததில் அதில் இருந்த7 அமெரிக்க மெரைன் வீரர்களும் இறந்தனர்.

கேசி-130 ரகத்தைச் சேர்ந்த இந்த விமானம் நடு வானிலேயே மற்ற விமானங்களுக்கு எரிபொருள் சப்ளைசெய்வதற்காகப் பயன்படுத்தப்படும்.

நேற்று இரவு பாகிஸ்தானின் ஜகோபாபாத் விமானத் தளத்திலிருந்து கிளம்பிய இந்த விமானம் இரவு 8.30 மணிக்குசாம்சி என்ற இடத்திற்கு அருகே உள்ள மலைப் பகுதியில் நொறுங்கி விழுந்தது.

இவ்விபத்தில் அதில் பயணம் செய்த 7 மெரைன் வீரர்களும் இறந்து விட்டனர். ஆனால் அவர்களுடைய உடல்கள்இன்னும் மீட்கப்படவில்லை. எப்படி இந்த விபத்து ஏற்பட்டது என்பது பற்றியும் தெரியவில்லை.

ஆனால் விமானம் சுட்டு வீழ்த்தப்பட்டதற்கான வாய்ப்புக்கள் இல்லை என்று அமெரிக்க ராணுவ தலைமையகமானபென்டகன் தெரிவித்துள்ளது.

ஆப்கானிஸ்தானில் அக்டோபர் 7ம் தேதி அமெரிக்கா தாக்குதல் நடத்த ஆரம்பித்ததிலிருந்து, இதுவரை 2விமானங்கள் நொறுங்கி விழுந்துள்ளன.

கடந்த டிசம்பர் 12ம் தேதி அமெரிக்காவின் பி-1 குண்டுவீச்சு விமானம் இந்தியப் பெருங்கடலில் நொறுங்கிவிழுந்தது. ஆனால் அதிலிருந்த அனைவரும் மீட்கப்பட்டு விட்டனர்.

மேலும் 4 ஹெலிகாப்டர்களும் நொறுங்கி விழுந்துள்ளன. இவற்றில் 2 வீரர்கள் இறந்தனர்.