குஜராத்தில் நிலநடுக்கம்

அகமதாபாத்:

குஜராத்தின் சில இடங்களில் இன்று (வியாழக்கிழமை) அதிகாலை திடீரென்று நிலநடுக்கம் ஏற்பட்டது.

அதிகாலை 5.23 மணிக்கு ஏற்பட்ட இந்த நிலநடுக்கம், ரிச்டர் அளவுகோலில் 4.1 ஆகப் பதிவாகி இருந்தது.

கட்ச் மற்றும் சுரேந்திர நகர் ஆகிய மாவட்டங்களில் ஏற்பட்ட இந்த நிலநடுக்கத்தால் பூமியே குலுங்கி அடங்கியது.

ஆனால் இந்த நிலநடுக்கத்தால் பொருள் சேதமோ உயிர் சேதமோ ஏற்பட்டதாகத் தகவல்கள் இல்லை.

கடந்த ஆண்டு குடியரசு தினத்தன்றுதான் (ஜன.26) குஜராத்தின் பூஜ் பகுதியில் கடுமையான பூகம்பம் ஏற்பட்டு,சுமார் 25,000 பேர் பலியாயினர் என்பது குறிப்பிடத்தக்கது.