இந்தியா வருகிறது ரஷ்ய பாதுகாப்புக் குழு

மாஸ்கோ:

தீவிரவாதத்தை எதிர்க்கும் போராட்டத்தின் ஒரு பகுதியாக இந்தியா-ரஷ்யா பாதுகாப்பை வலுப்படுத்தும் பொருட்டுரஷ்ய பாதுகாப்புக் குழு இன்று (சனிக்கிழமை) இந்தியாவுக்கு வருகிறது.

ரஷ்ய பாதுகாப்புக் குழுவின் துணைத் தலைவர் ஜெனரல் ஒலேக் செர்னவ் தலைமையில் இந்தியாவுக்கு வரும்இந்தக் குழுவினர், மதவாத அமைப்புகள் நடத்தும் தீவிரவாதம் மற்றும் இனவாதம் குறித்தும் முக்கிய முடிவுகளைஎடுக்கவுள்ளன.

இந்திய பாதுகாப்புத் துறை அமைச்சர் ஜார்ஜ் பெர்னாண்டஸ் மற்றும் பாதுகாப்புத் துறை அதிகாரிகளை ரஷ்யக்குழுவினர் சந்தித்துப் பேசவுள்ளனர்.

தீவிரவாதத்தால் ஏற்படும் மோசமான விளைவுகளை நாங்கள் நன்றாக அறிவோம். எனவே தற்போது இந்தியாசந்தித்துக் கொண்டிருக்கும் தீவிரவாதத்தையும் நாங்கள் தெளிவாக உணர்ந்துள்ளோம் என்று செர்னவ் கூறினார்.

கடந்த 2000ம் ஆண்டு மே மாதம் இந்திய-ரஷ்யாவுக்கு இடையே ஏற்பட்ட பாதுகாப்பு ஒப்பந்தப்படி இந்தியாவிற்குவருகின்றனர் ரஷ்ய தூதுக் குழுவினர்.