தமிழகத்தில் இளைஞர் தின கொண்டாட்டம்

சென்னை:

சுவாமி விவேகானந்தரின் 140வது பிறந்த நாளான இன்று (சனிக்கிழமை) இளைஞர் தினமாக தமிழகம் முழுவதும்கொண்டாடப்படடது.

இன்று விவேகானந்தரின் 140வது பிறந்த நாள். ஆண்டு தோறும் விவேகானந்தர் பிறந்த நாள் அன்று தமிழகம்முழுவதும் இளைஞர் தினமாக சிறப்பாகக் கொண்டாடப்படும்.

இன்று விவேகானந்தரின் பிறந்த நாள் சென்னையில் உள்ள ராமகிருஷ்ண மடத்தில் சிறப்பாகக்கொண்டாடப்பட்டது. தமிழக டி.ஜி.பியான நெய்வால் சிறப்பு விருந்தினராக கலந்து கொண்டார்.

தேசிய மாணவர் படை, பள்ளி மாணவ, மாணவிகளின் அணிவகுப்பு நெய்வால் முன்னிலையில் நடந்தது. பல்வேறுகலைநிகழ்ச்சிகளும், போட்டிகளும் நடத்தப்பட்டன.

விழாவின் முடிவில் பாட்டுப் போட்டி, கட்டுரைப் போட்டி, பேச்சுப் போட்டியில் வெற்றி பெற்ற மாணவ,மாணவிகளுக்கு நெய்வால் பரிசு வழங்கினார்.