அதிமுக கூட்டணிக்குத் திரும்ப காங்., தமாகாவுக்கு வீரமணி அழைப்பு

சென்னை:

கஷ்டப்பட்டு உருவாக்கப்பட்ட மதச்சார்பற்ற கூட்டணியை முறிக்கும் விதத்தில் பிரிந்து சென்று விட்ட காங்கிரஸ்உள்ளிட்ட கட்சிகள் மீண்டும் அதிமுக தலைமையிலான மதச்சார்பற்ற அணியில் சேர வேண்டும் என்று திராவிடர்கழக பொதுச் செயலாளர் கி.வீரமணி கூறியுள்ளார்.

இதுதொடர்பாக அவர் வெளியிட்டுள்ள அறிக்கையில் கூறியிருப்பதாவது:

பாரதீய ஜனதா உள்ளிட்ட மதவாத அணிகளைத் தோற்கடிக்கவே அதிமுக தலைமையில் மதச்சார்பற்ற அணிஉருவாக்கப்பட்டது.

ஆனால் இப்போது அந்த அணியிலிருந்து சில கட்சிகள் பிரிந்துசென்று விட்டது வருத்தத்தை ஏற்படுத்தியுள்ளது.

மதச்சார்பற்ற அணி உருவாக்கப்பட்டதன் நோக்கத்தை முழுமையாக நிறைவேற்றும் விதத்தில் பிரிந்துசென்றகட்சிகள் அனைத்தும் மீண்டும் அதிமுக தலைமையிலான அணியில் இணைய வேண்டும் என்று வீரமணிகூறியுள்ளார்.