ஆப்கானில் அமெரிக்க ஹெலிகாப்டர் நொறுங்கி 7 பேர் பலி

வாஷிங்டன்:

ஆப்கானிஸ்தானில் அமெரிக்க ஹெலிகாப்டர் ஒன்று நொறுங்கி விழுந்ததில், அதிலிருந்த 7 மெரைன் வீரர்களும்பலியாகி விட்டதாகத் தெரிகிறது.

ஆப்கானிஸ்தான் தலைநகரான காபூலுக்கு அருகே பக்ராம் விமானத் தளத்தைச் சுற்றியுள்ள மலைப் பகுதியில் இந்தஹெலிகாப்டர் நொறுங்கி விழுந்துள்ளது.

அதில் இருந்த 7 மெரைன் வீரர்களும் கொல்லப்பட்டு விட்டதாகக் கூறப்படுகிறது. ஆனால் சில வீரர்கள் உயிருடன்இருப்பதாக மெரைன் செய்தித் தொடர்பாளர் ஜேம்ஸ் ஜார்விஸ் கூறினார்.

மீட்புப் பணிகள் முழுவீச்சில் நடைபெற்று வருகின்றன என்றும் ஜேம்ஸ் கூறினார்.

இந்த விபத்திற்கான காரணம் என்னவென்று இன்னும் தெரியவில்லை.

ஆப்கானிஸ்தானில் அக்டோபர் 7ம் தேதி அமெரிக்கா தாக்குதல் நடத்த ஆரம்பித்ததிலிருந்து, இதற்கு முன் 4அமெரிக்க ஹெலிகாப்டர்கள் நொறுங்கி விழுந்து 2 பேர் இறந்துள்ளனர்.

ஹெலிகாப்டர்கள் தவிர ஒரு பி-1 குண்டுவீச்சு விமானமும் கேசி-130 ரக விமானமும் விபத்துக்குள்ளாகியுள்ளன.