அமெரிக்கா செல்கிறார் முஷாரப்

இஸ்லாமாபாத்:

பாகிஸ்தான் அதிபர் பர்வேஸ் முஷாரப் அடுத்த மாதம் அமெரிக்கா செல்லவுள்ளார்.

அமெரிக்க வெளியுறவு அமைச்சர் காலின் பாவல்லின் அழைப்பை ஏற்று முஷாரப் அங்கு செல்கிறார் என்றுபாகிஸ்தான் வெளியுறவு அமைச்சக வட்டாரங்கள் தெரிவித்தன.

தீவிரவாதிகளுக்கு எதிராக தான் மேற்கொண்டிருக்கும் நடவடிக்கைகள் குறித்து அமெரிக்க அதிபர் ஜார்ஜ்புஷ்ஷிடம் முஷாரப் விளக்கிக் கூறுவார் என்றும் அந்த வட்டாரங்கள் தெரிவித்தன.

ஆனால் முஷாரப் செல்லும் தேதி குறித்து இன்னும் முடிவு செய்யப்படவில்லை. பாகிஸ்தான் வெளியுறவு அமைச்சகஅதிகாரிகள் இதுகுறித்து ஆலோசனை நடத்தி வருகின்றனர்.

இதற்கு முன் கடந்த நவம்பர் மாதம் நியூயார்க்கில் நடந்த ஐ.நா. சபை மாநாட்டின்போதுதான் முஷாரப் அமெரிக்கபயணம் மேற்கொண்டார். அப்போது அங்கு வந்திருந்த இந்தியப் பிரதமர் வாஜ்பாய், முஷாரப்பைச் சந்திக்கமறுத்துவிட்டார் என்பது குறிப்பிடத்தக்கது.